YY出場了

睿睿阿！我今朝準備出門口，原本諗住你31號先出黎架，點知媽咪今朝突然甘同我講，我都嚇左一跳唔知點算！跟住我地就一齊去QE,可能有爸爸媽媽係隔離，我都冇甘驚定d! 跟住上到b4,就要同魚魚分開，我都有d唔捨得，跟住就要去c2！我都想知道多d睿睿的情況，係一輪whatsapp後知道睿睿冇事，一切正常，甘我都定落黎啦。 其實魚魚爸爸媽媽都好好，特登一朝早黎，跟住又幫我地攞充電線，然後又番去煮飯攞黎俾魚魚！ 既然今日請左假，甘我就睇下報紙，寫下cv,睇下新聞上下網，好似平時甘。中間兩點幾我就過去同魚魚見左面一陣，攞雜誌報紙同紙巾盒俾魚魚！跟住就可以甜甜回歸啦！魚魚話都幾悶，甘我就全日係甘同佢whatspp! 到左五點,我就魚魚二人時光到5：45，跟住妹妹就黎左，再到6：30魚魚爸爸媽媽就黎。因為每次只可以兩個人，甘魚魚就食飯先，我同媽媽妹妹就落樓下餐廳食，到左7：15，我地就上去揾阿詩。然後係出面傾左一陣，佢地入去參觀完7：45就走，甘我就把握最後15分鐘同魚魚甜甜！我帶左小小白熊同魚魚打氣，佢都好甜甜！ 魚魚佢好鎮定，就話想越快生越好，其實暫時都冇咩動靜，只是見紅，到穿水先會上產房。而家我就番緊貝殼，到時魚魚有咩打黎我就飛的過去！如果係今晚生，甘就會去張姑娘接生，如果係聽日甘就係石姑娘！其實今日入院都係一個好日子，天氣好好。魚魚真係好叻，佢想睿睿快d出黎，想見到佢。我就好想佢地都平安，一切順利！ 魚魚係20號病床，隔離有電視，toilet都好近，張床都係電動好方便。不過魚魚話有d凍，所以我留低左件褸俾佢。魚魚隔離有個媽媽見紅左三日都未有動靜同催生，另一個媽媽作動完變平靜，竟然要番屋企！但是頭先有個懷疑是囚犯大肚婆入左黎，有兩個警察睇住，我都有點不安，希望一切順利冇事！ 我地都驚食炸煳，不過又唔似喎。其實聽日原本係催生日，頭先問姑娘話如果聽朝未有動靜就大機會要催生！所以聽朝8點係緊要的時刻！當然睿睿如果驚催生可能佢今晚就黎料，因為佢都好似怕痛同打針仔。我就估今晚睿睿今晚未必會出黎住既！ 睿睿阿，你究竟幾時出黎架，我都成日唔知你諗咩既！