返學咁耐，斷續病，睿睿自從三月無媽咪牌飲之後好似抵抗力差咗！萬聖節party後回家開始發燒啦！但爹地話因為週末有兩個面試用藥，退燒藥吃了暫時降下不夠數小時又到返38度，兩日都係咁...星期六去完面試再去playgroup之後回來38.7！
唉，西藥真係連標都治不了，我幫睿睿搽返油，搽完都再升，因為隻腳凍即係會繼續升溫，都咪話唔驚....試過39.5，唯有繼續密密搽，（油不是無用，我記得資料說過它會keep住燒唔過39.8度, 等身體有抗體打仗，但小心觀察是否腦膜炎，如是一定要睇醫生的）經過沒一到兩小時不停搽，凌晨四點開始有轉機！跌返38度幾，繼續努力，起身六點噴咗一輪青黃鼻涕，最後星期日十一點去kv面試前落返37度幾，下午回來再搽終於五點到退燒了！暫時無返發，今天起來就有痰咳同鼻水，希望繼續努力快d好返！
我覺得應該一開始微燒就要搽，西藥給你的是一個假象，它把細菌困在身體所以食兩日都推不到燒，這次反而是油推了些菌出來（出到青色鼻涕），真正治病，所以才能真正退燒啊。雖然我不做傳銷不喜歡公開推薦油但這次又靠它退燒，真係做媽咪乜都要學下架！
上星期睿睿在學校應該被同學抓傷，傷口都多，但無老師見到過程，仲唔信睿睿說話（話睿睿所講既同學上咗校車無可能係佢）但我信睿睿可能說錯名字但是事實，因傷口實在是抓痕。至於幾位老師既處理方法我就不太喜歡。正班主任一打來只係為自己辯護緊件事唔關佢事，再來就係賴net 班主任掛住講故事看不見事情經過，三來就話係副班主任在班房外經過發現睿睿自己飲泣發現有傷口，再幫她搽了聲稱唔喇既消毒膏！雖然我都覺得副班主任比較注意睿睿同比較喜愛她，不過搽消毒膏後回家傷口反而流水同紅腫就證明這樣處理不適當了！我寫了封好婉轉既信返去，竟然手冊度一句回應都無！你收到信係咪點都覆返句話收到先？翌日家長日，叫老公點都要提下唔好俾件事不了了知，老公話見到佢地已經將睿睿個位調前，咁我就算啦！睿睿全班最細咁滯，重要最細粒！俾佢咗課室最後個位重要係隔離已有玩具引誘佢，大佬，俾你都唔做野走去玩啦？至於家長日其他內容，都有意料中既批評話睿睿唔聽指示個d啦。
都係個句，今年考到其他既都係走吧啦！我相信呢度學術係不錯，但照顧也重要，三個班主任都無一個見到發生咩事係離譜既，你不會怪小朋友錯手，但大人咁處理真係不可接受。
上星期睿睿未受傷前影左大肚相，今次個主角似係睿睿多d，條裙仔好cute只係$150，而家bb衫動輒貴過大人，今次算ok了！d相比想像影得好，而且包曬化妝set頭同大肚衣服，自己打底就得，價錢$2500 有30張執相15張原檔，比其他三四千個的得10幾二十張囉得返已經算幾老實。個人覺得二千樓下的都影得麻麻地，可能我搵唔到再平靚正d既公司啦！今次再影其實係想影睿睿多d，而且怕hh第日話我地偏心無同佢影。講開偏心，今次已經無去任何講座，而且不停照顧睿睿我都唔係好好養到胎，睿睿個時係皇后，而家係皇后及睿睿個侍從...hh你要加油長肉呀！醫生估計你出世得2.5kg咋，仲少過睿睿呀⋯⋯
No comments:
Post a Comment