這個星期的睿睿忘記了上星期的好了...真不能讚的。她相當炆憎,容易喊, 吃粥仔又差返,聽講一見到隻羹就喊到拆'天, 但見到枝奶對住你笑...公公休息來探佢,佢竟然又怕返生保喊到公公又要走佬!還有上星期日的連串發音,說了一天就不說了......等我仲期待緊下個consonant係咩... 真係善變的女人。
我希望這是由於出牙吧? 牙肉腫腫地,但日日都未出。
我發覺帶睿睿去食飯最好食D單手都食到既野, 例如:意粉, 甘都可單手抱住一邊食
尋晚不知為何睿睿笑得好開心,笑到隔離檯都望住佢。
書本說6-7個月BB會用手吃餅了, 聽婆婆說睿睿如果吃餅吃不到, 會換手拿餅直至全塊消滅晒為止!
呢幾張係Daddy影既, 睿睿偏好爹地, 對住我係無甘興奮.
玩波姐~使唔使甘搏命?
俾條菜心睿睿當餅,佢好中意,竟然唔比人拎走!
今日爹地去北京公幹, 淨返我同睿睿悶悶地,去左上星期跑步個度散下心。
將軍澳海濱長廊真係幾靚, 有時間可去去。
昨日學校特殊奧運會, 新同事話以為我未結婚, 估唔到我已經生左個女。
真係好識得講野~我條車胎仍然生存係我腰間, 睇來唔會自動消失。
以為睿睿中意睇海,點知好冷靜,一D反應都無!
反而之後去反斗城睇下野, 睿睿就好興奮。
No comments:
Post a Comment