今次請左三日病假, 睇左6次中醫, 花左接近 $2000! 真係要想下辦法做返多D運動...如果唔係病一次真係又辛苦又肉痛! 仲要怕傳染SBB, 睿睿、媽咪同姐姐! 無得抱睿睿唔係幾開心。
星期三, 唔頭暈剛好慶祝結婚兩周年, 睿睿呢個星期更加中意"食野", 每晚俾蘋果舔都好心急! 流晒口水! 記得上個星期開始, 每晚睿睿都一定喊好耐, 喊到姐姐都無辦法, 一定要我或SBB抱, 而且抱緊都仲喊! 總之要到12:30 或1:00先肯訓, 非常困擾我! 跟住, 我醒起滿月時買既保嬰丹, 個時都喊得厲害, 但係覺得滿月好細個唔敢俾佢食。星期二 晚決定把心一橫, 俾睿睿夜晚9點餐奶加保嬰丹, 結果出人意表! 睿睿10:45 訓到12:00起身食一餐奶就訓到朝早6:00! Jesus!!!!!!!Halilujah!!! 我同SBB唔使起身幫拖, 睿睿就可以連訓6小時....個晚真係好感動!
結果星期四開始睿睿都可以由姐姐搞惦訓覺! 希望可以持續落去! 睿睿你要努力! 姐姐你真係辛苦!
另外, 睿睿今個星期比較明顯既進步係開心左, 中意逗人玩, 有時會出聲引人注意, 回應人快左, (以前要peek a boo幾次先笑一次), 聽到佢發出/m/音一次("mer")
星期六, 我地返HKU慶祝下兩周年, 原本想去Grad House食返個晏, 點知睿睿食奶時間遲, 出門又推遲, Grad House 3pm 又有人包場, 結果去到只能係門口影幅相, 又只能到 SU canteen食tea (lunch已過!) 睿睿係HKU飲奶之後, 我地周圍行下影下相, 甘都過左3個鐘! 太陽落山就走啦!
累的時候站著也睡得著, 但是晚上卻喊好耐都唔訓
有分一份俾你架!
去HKU塞車半小時! 搞到入唔到Grad House
在Grad house 門口只能望梅止喝
食奶後就去影靚相
家下HKU有lift搭架wor!(圖書館個層)
呢個房就係爹地媽咪認識既地方啦! 睿睿好似無咩心機~
唔好扯啦!
懶sweet!
其實睿睿著左裙仔架!
太陽落山啦! 拜拜!
得戚睿睿扯走隻襪
戴帽後, 個頭髮扁左都幾搞笑
No comments:
Post a Comment